မြန်မာနိုင်ငံ တိုင်းရင်းသားဘာသာစကား ဦးစီးဌာန

ရည်ရွယ်ချက်

  • မြန်မာဗျည်း၊ သရ၊ အက္ခရာ၊ မြန်မာဝေါဟာရတို့၏ စာလုံးပေါင်းသတ်ပုံ၊ အနက် အဓိပ္ပာယ်၊ အသံထွက်၊ သဒ္ဒါနှင့် ဝါကျဖွဲ့ထုံးတို့ ထုံးမီစံမျှ မှန်ကန်တိကျစေရေး၊ အဓွန့်ရှည်စွာ တည်တံ့ရေးနှင့် မြန်မာစာဖွံ့ဖြိုးတိုးတက်ရေးတို့ကို ထိရောက်စွာ ဆောင်ရွက်ရန်၊
  • မြန်မာစာသည် ပြည်ထောင်စုတစ်ဝန်းလုံးရှိ တိုင်းရင်းသားအားလုံး၏ ဘုံဘာသာစကား အဖြစ်လည်းကောင်း၊ တိုင်းရင်းသားအားလုံး၏ စည်လုံးရေးမဏ္ဍိုင် အဖြစ်လည်းကောင်း ဆက်လက်ရပ်တည်နိုင်ရေး ထိန်းသိမ်းရန်၊
  • မြန်မာဘာသာစကား၊ တိုင်းရင်းသား ဘာသာစကားနှင့် နိုင်ငံခြားဘာသာ စကားများ အပြန်အလှန် ဘာသာပြန်စနစ် တည်ဆောက်ရန်၊

 

လုပ်ငန်းတာဝန်

  • ဝေါဟာရပြည့်စုံသော၊ စာလုံးပေါင်း သတ်ပုံအရာ၌ ထုံးမီစံမျှဖြစ်သော၊ အနက် အဓိပ္ပာယ် မှန်ကန်တိကျသော၊ အကိုးအထောက် ခိုင်မာစုံလင်သော၊ ခေတ်မီစနစ် ကျသော မြန်မာအဘိဓာန်များ ပြုစုခြင်း၊
  • မြန်မာစာအရေးအသား မှန်ကန်မှု၊ ရှင်းလင်းမှု၊ ကျစ်လျစ်မှု၊ ထိမိမှုကို အထောက်အကူ ဖြစ်စေနိုင်မည့် မြန်မာသဒ္ဒါကျမ်းများ ပြုစုခြင်း၊
  • တိုင်းရင်းသားစာပေ၊ ဘာသာစကား သင်ကြားရေးကို အထောက်အကူပြုခြင်း အဖြစ် တိုင်းဒေသကြီး၊ ပြည်နယ်လှုမှုရေးဝန်ကြီးများအား ကူညီပေါင်းစပ်ခြင်း၊  တိုင်းရင်းသားစာပေ၊ ဘာသာစကားအားလုံး၏ စုစည်းရာ ပေါင်းစပ်ညှိနှိုင်းရေး ဌာနအဖြစ်ပံ့ပိုးခြင်း၊
  • အင်္ဂလိပ်၊ မြန်မာဘာသာပြန်ဆိုခြင်း၊ မြန်မာနိုင်ငံနှင့် ဆက်ဆံမှုများပြားသော နိုင်ငံများ၏ နိုင်ငံခြားဘာသာစကားများနှင့် မြန်မာဘာသာတို့ အပြန်အလှန် ဘာသာပြန်ဆိုခြင်း၊ တိုင်းရင်းသားသာတို့ အပြန်အလှန် ဘာသာပြန်ဆိုခြင်း၊ နှစ်ဘာသာ အိတ်ဆောင် အဘိဓာန် ထုတ်ဝေခြင်း၊

 

ဖွဲ့စည်းပုံ

 

ညွှန်ကြားရေးမှူးချုပ်

ဒေါက်တာဇော်မြင့်

 

တည်နေရာ

ရုံးအမှတ် (၅၂)၊ နေပြည်တော်